Мемлекет басшысы Мажарстан Президентімен кездесу үшін Шандор сарайына келді
Бұл туралы Ақорданың баспасөз қызметі хабарлады.
Алматы, NEGE. Қасым-Жомарт Тоқаевты Мажарстан Президенті Тамаш Шуйок қарсы алды.
Бірге суретке түсу рәсімінен кейін Қазақстан Президенті Құрметті қонақтар кітабына естелік жазба қалдырды.
Бұған дейін Мажарстанға мемлекеттік сапармен келген Президент Қасым-Жомарт Тоқаевты Будапешт қаласындағы Король сарайының Арыстандар алаңында ресми қарсы алу рәсімі өтті. Мемлекет басшысын әскери оркестрдің сүйемелдеуімен Мажарстан Премьер-министрі Виктор Орбан қарсы алған болатын.