Мемлекет басшысы Куба Президентіне құттықтау жеделхатын жолдады

Алматы, NEGE. Қазақстан Президенті Қасым-Жомарт Тоқаев Куба Президенті Мигель Марио Диас-Канель Бермудеске және кубалық халыққа Революцияның салтанатты жеңісі күніне орай құттықтау жеделхатын жолдады.

Ақорданың баспасөз қызметінің мәліметінше, Президент жеделхатта екі ел арасындағы дәстүрлі достық пен сенімге негізделген қарым-қатынастың бірлескен күш-жігер арқылы одан әрі нығаятынына сенім білдірді. Сондай-ақ, Қасым-Жомарт Тоқаев кубалық көшбасшының жауапты қызметіне табыс, ал Куба халқына бейбітшілік пен бақ-береке тіледі.

Айта кетейік, бұған дейін Мемлекет басшысы жас жазушылар мен ақындарға арналған Президенттік арнаулы әдеби сыйлық тағайындау туралы Жарлыққа қол қойған.