15 апреля 2022 г. 13:31
Мектепте өрт: Павлодарда 500 шақты адам эвакуацияланды
Жедел жәрдем бригадасы оқиға орнынан ауруханаға бес адамды алып кетті, деп хабарлайды
@Pavlodarnews.kz.
Павлодар, NEGE. Облыстық ТЖД баспасөз қызметінің мәліметінше, 15 сәуір күні Малайсары батыр көшесі, 3 мекенжайы бойынша үш қабатты № 1 жалпы орта білім беру мектебінен өрт шыққан.
- Үшінші қабаттағы кітап сақтау кабинетінде 15 шаршы метр алаңда жиһаз, кітап жанған. Өрт сөндіру бөлімшесі келгенге дейін 479 адам, оның ішінде 414 бала сыртқа шығарылды, - деді департаментте.
Қазіргі таңда ауруханаға алып кеткендер бойынша ақпарат нақтылануда. Өрт сағат 11.41-де өрт сөндірілді. Өрттің шығу себебі анықталуда.
Тілсіз жауды ауыздықтауға ТЖД 35 қызметкер және 9 техника, апаттық медицина орталығынан 4 қызметкер және 1 техника жұмылдырылды.