Мектеп директорлары мен аурухана басшыларына кәсіпкерлікпен айналысуға рұқсат берілуі мүмкін
Мемлекеттік қызметшілерге теңестірілген азаматтардың бір тобына кәсіпкерлікпен айналысуға салынған тыйым алынып тастауы мүмкін.
Алматы, NEGE. Сыбайлас жемқорлыққа қарсы іс-қимыл агенттігі заңнаманы конституцияға сәйкестендіру үшін осындай түзету ұсынып отыр. Агенттік төрағасының бірінші орынбасары Ұлан Сарқұлов заңнаманы Конституция нормаларына сәйкес келтіруге арналған заң жобасын бірінші оқылымда таныстыра отырып осындай мәлімет келтірді.
«Заң жобасы Конституциялық соттың 2023 жылғы 13 маусымдағы нормативтік қаулысының іске асыруға бағытталған. орыс нормативтік қаулыға сәйкес, «Сыбайлас жемқорлыққа қарсы іс-қимыл туралы» Заңның 13-бабы мемлекеттік функцияларды орындауға уәкілеттік берілген адамдарға теңестірілген барлық адамдарға кәсіпкерлік құқықтық шектеу бөлігінде Конституцияға сәйкес келмейтін болып танылды. Яғни, мемлекеттік қызметшілерге теңестірілген адамдар кәсіпкерлік қызметпен айналысуға мүмкіндік алады. Мұндай адамдарға республикалық мемлекеттік кәсіпорындарда, коммуналдық кәсіпорындарда, коммуналдық мемлекеттік мекемелерде, оның ішінде мектептерде, ауруханаларда, басқару функцияларын іске асыратын адамдар жатады. Бұлар: бірінші басшылар, олардың орынбасарлары, бас бухгалтерлер, мемлекеттік сатып алу департаменттерінің басшылары, филиалдардың басшылары», - деді ол.
Жаңа норма мемлекеттік қызметшіге теңестірілгендердің бәріне бірдей қолданылмайтынын айту керек.
«Сонымен қатар, бұрынғыдай теңестірілген адамдардың арасынан кейбір адамдарға кәсіпкерлік қызметпен айналысуға тыйым сақтау ұсынылады. Бірінші, мұндай тыйым Сайлау туралы конституциялық заңда бекітілгендіктен, өкілеттігін тұрақты негізде жүзеге асыратын аумақтық сайлау комиссияларының мүшелеріне тыйым сақталады. Екіншіден, аталған қызметшілер бақылау, қадағалау функцияларын іске асыратындықтан Ұлттық банктің, Қаржы нарығын реттеу және дамыту агенттігінің, Азаматтық авиация саласындағы уәкілетті ұйымның қызметшілеріне тыйымды сақтау ұсынылып отыр. Үшіншіден, қызметінің бағытына байланысты ұлттық холдингтер мен ұлттық компаниялардағы басқарушыларға тыйым сақталады. Бұл кәсіпорындардың қатардағы қызметкерлері заңмен тыйым салынбаған кәсіпкерліктің кез келген түрімен айналысуға құқылы», - деді Ұлан Сарқұлов.
