Мбаппе ПСЖ-дан кетеді
Франция құрамасының шабуылшысы Килиан Мбаппе 2020/21 маусымының соңында ПСЖ-дан кетпек, деп хабарлайды Prosports.kz. Бұл туралы The Times хабарлады.
Алматы, NEGE. Дереккөздің хабарлауынша, 21 жастағы ойыншы команда басшылығына келесі маусымда басқа клубта ойнағысы келетінін айтқан. Футболшы Ла Лига мен Премьер-лигаға жол тартпақ. Бұған дейін франциялық футболшы ПСЖ-ның келісімшартты ұзарту туралы ұсынысынан бірнеше рет бас тартқаны хабарланған. Қазіргі келісім 2022 жылдың жазына дейін жасалған. Мбаппе ПСЖ сапында 2017 жылдан бері ойнап келеді.