Мәжіліс депутаты Динара Шүкіжанова өз еркімен өкілеттігін тоқтатты
Парламенті Мәжілісінің депутаты, Respublica фракциясының мүшесі Динара Шүкіжанова өз өкілеттігін тоқтату туралы өтініш берді, деп хабарлады Орталық сайлау комиссиясы.
Алматы, NEGE. «ҚР Конституциясының 52-бабына, «Қазақстан Республикасының Парламенті және оның депутаттарының мәртебесі туралы» 1995 жылғы 16 қазандағы ҚР Конституциялық Заңының 24-бабы 3 және 8-тармақтарына сәйкес, ҚР Орталық сайлау комиссиясы қаулы етеді: ҚР Парламенті Мәжілісінің депутаты Динара Аманжелқызы Шүкіжанованың өтініш беруіне байланысты оның өкілеттігін мерзімінен бұрын тоқтатуға әкелетін негіз туындады деп белгіленсін. ҚР Парламенті Мәжілісінің депутаты Д.А. Шүкіжанованың өкілеттігін мерзімінен бұрын тоқтату туралы ұсыным Мәжіліске енгізілсін», - делінген қаулыда.