Майқайың апаты: Прокурор айыпталушыларды 4 жылға соттауды сұрады
Майқайың апатына кінәлі деп танылғандарды прокурор 4 жылға бас бостандығынан айыруды сұрады. Бұл туралы irbistv.kz басылымы хабарлады.
Астана, NEGE. Екібастұз қалалық сотында 6 адамның, оның ішінде кәсіпорынның бұрынғы бас директорына да қатысты қылмыстық іс қаралып жатыр.
Прокурор айыпталушылардың барлығының кінәсі дәлелденгенін айтып, оларды 4 жылға бас бостандығынан айыруды сұрады.
Айта кетейік, 2024 жылдың қаңтар айында «Майқайыңалтын» аумағында жерасты кеніші опырылып, 4 адам мінген автобус шұңқырға құлап кеткен.
Біраз уақыт өткен соң, екі адамның мәйіті табылды. Іздеу жұмыстары жарты жылға созылып, соңғы екі адамның денесі 6 айдан кейін табылды.