Майқайың алтын кенішіндегі апат: Құтқарушылар автобустың дөңгелегін тапты
Майқайың алтын кенішіндегі ойық түбін қазып жатқан құтқарушылар автобустың дөңгелегіне жетті. Бұл туралы Павлодар облысының әкімі Асайын Байханов хабарлады.
Алматы, NEGE. Облыс әкімі Асайын Байханов әлеуметтік желі парақшасында Майқайың кенішінде жүргізіліп жатқан іздестіру жұмыстары жайлы ақпаратпен бөлісті.
«Майқайың-алтын» АҚ аумағында гидравликалық балғамен экскаватор жұмыс істеуде. Оның көмегімен үлкен тастар ұсақталады. Бүгінгі жұмыстың нәтижесінде құтқарушылар автобустың үлкен бөлшегін – дөңгелегін тапты,– деді өңір басшысы.
Іздестіру-құтқару жұмыстар жалғасуда.
Еске сала кетейік, Майқайыңдағы оқиғаға жауаптылар анықталды. Комиссия 4-24 қаңтар аралығында тергеу жүргізді.