Маврикий аралының жағалауына топан мұнай төгілді
Маврикий аралына жақын жерде теңізге көп мөлшерде мұнай төгілді. Оған Вакашио танкері бортының тесілуі себеп болған.
Алматы, NEGE. Белгілі болғандай, 200 тонна дизель отыны мен 4 тоннадай шикі мұнай тиеген кеме Панама туы астында кетіп бара жатып, әйгілі Блю Бей мүйісі маңында қайырға соққан. Мамандардың айтуынша, бұл, арал үшін нағыз экологиялық апат болуы мүмкін. Осыған байланысты қазір жергілікті билік тұрғындарды жағажайда серуендеп, суға түсуден бас тартуға шақырып жатыр. Сондай-ақ, суға төгілген мұнай зардабы мен салдарының алдын алу үшін көрші елдерден көмек сұрады.