Мәскеудегі теракт: ФСБ директоры 4 террорист ұсталғанын хабарлады
Федералдық қауіпсіздік қызметінің (ФСБ) директоры Александр Бортников Владимир Путинге 11 адамды, оның ішінде «Крокус Сити холлда» болған 4 террористің ұсталғаны жөнінде айтты.
Алматы, NEGE. Бұл туралы Кремльдің баспасөз қызметі хабарлады. Бортников Путинге «Крокус Сити холлда» шабуыл жасағандардың көмекші базасын анықтау жұмыстары жүргізіліп жатқанын хабарлаған.
Ал Baza ақпарат көзі алдын ала мәліметтер бойынша, ұсталғандардың бірі — Душанбенің 19 жастағы тумасы екенін жазады. Оның жарақатынан сол көзі жабылмай қалып, ауруханаға жеткізілген.