Марқұм Шерзат Болаттың әкесі 15 тәулікке қамалды
Айуандықпен өлтірілген жасөспірім Шерзат Болаттың әкесі Қаржаубай Нұрымов 15 тәулікке қамауға алынды.
Алматы, NEGE. Адвокаттардың айтуынша, Қаржаубай Нұрымов қамауға алынғаннан кейін әкімшілік сот өткен. Сот шешімімен Қаржаубай Нұрымова бұзақылық жасағаны үшін 15 тәулікке қамауға алынды.
Адвокаттар таңертең аппеляциялық шағым түсірмекші.
Қазір Қаржаубай Нұрымов адвокаттарымен бірге көпсалалы ауданаралық ауруханада жатыр.
Қаржаубайдың әпкесі Бақыт митингке шақырғаны үшін 15 күн алды, оған қоса ол Қазақстан азаматы болмағандықтан елден депортациялануы мүмкін. Тағы бір әпкесі Салтанатқа 20 АЕК көлемінде айыппұл салынды.