22 января 2026 г. 15:51
Марқұм Машкевичтің Қазақстандағы активтері кімге өтті?
Марқұм олигарх Александр Машкевичтің Қазақстандағы бірқатар компаниялардағы үлестері Central Asian DMCC компаниясына өтті. Бұған Bes.Media редакциясы назар аударды.
Астана, NEGE. Әңгіме «Еуразиялық өндірістік компания», «Еуразиялық коллекторлық агенттік», Advance kz, «Kazakhstan Mineral Resources Corporation Investment» және «Кокмайса» ұйымдары жайында.
Александр Машкевич бірқатар компанияларға Патох Шодиевпен және Ибрагимовтар отбасымен бірге иелік еткен. Ол 2025 жылдың наурыз айында қайтыс болды. Сол жылдың күзінде оның үлестері Central Asian DMCC компаниясына берілді. Аталған компания 2022 жылы Дубай қаласында, DMCC арнайы іскерлік аймағында құрылған.
