Литва соғысқа дайындалып жатыр
Литва НАТО-лық әріптестерімен бірге «басқыншыларға» тойтарыс беруге әзірленіп жатыр. Елге басып кірген «дұшпанды» шартты түрде «қызылдар» деп алған. Бұл – Ресейдің Литваға шабуылына дайындық, бірақ оқиғаның бұлай өрбімегені бәрімізге жақсы, – деп жазады неміс басылымы Süddeutsche Zeitung.
Алматы, NEGE. «Темір қасқыр» атты кең ауқымды әскери жаттығу бір аптадан бері өтіп жатыр. 2014 жылы Ресей Қырымды тартып алған соң, «әрі қарай Мәскеу қайтер екен?» деп, Балтық жағалауы елдерін үрей билеген. Сондықтан НАТО соғысқа дайындықты күшейткен.
Эстония, Латвия, Литва және Польшаға тың әскери күш жіберген. Германияның құрлық күштерінің инспекторы Фолльмер: «НАТО шекаралардың өзгеруін мойындамайды. Осыны нақты ұқтырғымыз келеді», – деп мәлімдеме жасады.