Құпия ерлік: Астанада белгісіз адам оңалту орталығының ауласын қардан тазалап кеткен

Алматы, NEGE. Кім екені белгісіз құпия жанның бұл әрекеті көпшілікті тәнті етті. Орталық қызметкерлері аталмыш видеоны желіде жариялап, оған алғыс білдірді.

«Жай ғана тазалап қоймай, қардың бәрін мұқият шығарып, атын да атамай, алғыс та күтпей, үн-түнсіз кетіп қалды», – деп жазылған орталықтың әлеуметтік желідегі парақшасында. 

Астанадағы бұл орталық ерекше білім беруді қажет ететін балалармен жұмыс істейді. Сонымен қатар мекеме ұжымында тек әйелдер қызмет етеді.

«Осындай сәттерде риясыз көмектің қаншалықты бағалы екенін ерекше сезінесің. Біз бейнебақылау камерасындағы жазбаны көріп, сізге шын жүректен алғыс айтқымыз келеді. Қамқорлығыңыз үшін. Адамгершілігіңіз үшін. Шабыт беретін үлгіңіз үшін», – делінген жазбада.