Қуанышбек Есекеев Президенттің көмекшісі қызметіне тағайындалды
Астана, NEGE. – Мемлекет басшысының Жарлығымен Қуанышбек Бақытбекұлы Есекеев Қазақстан Республикасы Президентінің көмекшісі болып тағайындалды, ол бұрынғы атқарған лауазымынан босатылды, – делінгенхабарламада.
Қуанышбек Есекеев 1975 жылы Алматы қаласында туған.
Әл-Фараби атындағы Қазақ ұлттық университетін, Т. Тысқұлов атындағы Қазақ экономика университетін және Hult халықаралық бизнес мектебін бітірген. Іскерлік басқару магистрі.
Физика-математика ғылымдарының кандидаты.
Еңбек жолын 1997 жылы Әл-Фараби атындағы Қазақ ұлттық университетінде қолданбалы математика кафедрасында аға оқытушы болып бастады.
1998-2000 жылдары – «Қазақойл» акционерлік қоғамы Ақпараттық технологиялар департаментінің директоры;
2000-2002 жылдары – «Қазақстан темір жолы» РММ департамент басшысы;
2002-2002 жылдары ҚР Қаржы министрлігінің Ақпараттандыру департаментінің директоры;
2002-2003 жылдары ҚР экономика және бюджетті жоспарлау министрлігінің Ақпараттандыру департаментінің директоры;
2003-2004 жылдары – Қазақстан Республикасы Қаржы министрлігі Ақпараттандыру департаментінің директоры;
2004-2006 жылдары – Қазақстан Республикасы Ақпараттандыру және байланыс агенттігі төрағасының орынбасары;
2006-2007 жылдары – Қазақстан Республикасы Ақпараттандыру және байланыс агенттігі төрағасының м.а.
2007-2010 жылдары – Қазақстан Республикасы Ақпараттандыру және байланыс агенттігінің төрағасы;
2010-2024 жылдары – «Қазақтелеком» акционерлік қоғамының басқарма төрағасы;
2024 жылғы 10 маусымда Мемлекет басшысының өкімімен Қазақстан Республикасы Президентінің кеңесшісі болып тағайындалды.
