ҚТЖ филиалының біріне қарасты департамент басшысы ұсталды
«ҚТЖ ҰК» АҚ филиалы – «Магистральдық желі дирекциясының» Жолдар мен құрылымдар департаментінің директоры ұсталды.
Алматы, NEGE. Сыбайлас жемқорлыққа қарсы қызметтің хабарлауынша, директор ұзақ уақыт бойы жүйелі түрде жалпы қолдау көрсеткені үшін аумақтық бөлімшелердің басшыларынан ақша алып келген.
Алынған ақшаның бар көлемі - 5 миллионнан астам теңге. Соттың келісімімен күдікті қамауға алынды. Айыптау бойынша соңғы шешімді сот анықтайды, деп атап өтті департаменттің баспасөз қызметі.
Тергеу мүдделеріне қатысты басқа ақпарат жария етуге жатпайды.