Қостанайда облыстық денсаулық сақтау басқармасы басшысының орынбасары ұсталды
Қостанай облысында облыстық денсаулық сақтау басқармасы басшысының орынбасары Ерболат Доспанов ұсталды.
Астана, NEGE. Облыстық прокуратураның баспасөз қызметінің мәлімдеуінше, сот оны қамауға алу туралы шешім шығарған.
«Ұлттық қауіпсіздік комитетінің Қостанай облысы бойынша департаменті лауазымдық өкілеттігін асыра пайдалану дерегі бойынша қылмыстық істі тергеу барысында облыстық денсаулық сақтау басқармасы бастығының орынбасары Е.Доспановты ұстады», – деп хабарлады қадағалаушы органның баспасөз қызметі.
Қылмыстық-процестік кодекстің сотқа дейінгі тергеп-тексеру деректерiн жария етуге жол бермеу бабына сәйкес өзге ақпараттар жария етілмеді.
Ерболат Доспанов бұл қызметке 2024 жылғы қарашада тағайындалған.