Қостанай облысында элеватордан өрт шықты

Алматы, NEGE. «26 шілдеде сағат 5.54-те Б.Майлин ауданының Тобол ауылында Элеваторная көшесіндегі «Тобол элеваторы» ЖШС аумағында астық қалдықтары қоймасында өрт шыққаны туралы хабарлама келіп түсті. Қызыл жалынмен күресуге ТЖД бөлімшелері, элеватордың мемлекеттік емес өрт сөндіру қызметі және «ҚТЖ» ҰК АҚ өрт сөндіру пойызы жұмылдырылды. Барлығы 23 адам, бес бірлік техника тартылды. Өрт 7.30-да ауыздықталып, 14.34-те сөндірілді», - деп хабарлады Қостанай облысы ТЖД баспасөз қызметінен.

Тілсіз жау 2,4 мың шаршы метр алаңды құрайтын №25, 26 қоймаларды түгелімен жойған, сонымен қатар кептіру-тиеуге арналған ғимараттың жары мен 40 ш.м. тасымалдаушы лента, 1 040 тонна зығыр жанып кеткен.

«Жалпы өрт шарпыған алаң 2440 ш.м. құрады. Зардап шеккендер мен қаза тапқандар жоқ. Өрттің болжалды себебі - №25 қоймадағы қысқа тұйықталу», - деп нақтылады ТЖД.

Оқиғаның мән-жайын анықтау үшін Қостанай облысы ТЖД зерттеу сынау өртке қарсы зертханасының мамандары жұмыс жасап жатыр.