Көшпенділер ойындарында қазақ-қырғыз көкпаршылары төбелесіп қалды (видео)
Астанада өтіп жатқан Дүниежүзілік Көшпенділер ойынында көкпардан финалда кездескен қазақ пен қырғыз көкпаршылары төбелесіп қалды.
Алматы, NEGE. Бірінші кезеңнің аяқталуына 6 минуттай уақыт қалғанда серкеге талас кезінде көкпаршылар қақтығысып қалған. Нақтырақ айтқанда, еліміздің көкпаршысы қарсылас қырғыз командасының көкпаршысын қамшымен ұрған. Оларды ажыратуға тәртіп сақшылары араласты.
Ойын мән-жайды анықтау үшін уақытша тоқтатылды. Араға жарты сағат сала ойын қайта жалғасты.
Үзілстен кейін «алтын салым» салуға 10 минут уақыт беріліп, шешуші салымды қазақстандық көкпаршы салды. Бәсеке 5:4 есебімен аяқталып, қазақстандық көкпаршылар Дүниежүзілік көшпенділер ойындарының алтын жүлдесіне ие болды.