Қорғаныс министрі бүлікті ұйымдастырғандар туралы: Кәдімгі аңшылар емес
Бүгін Мәжіліске күштік құрылым басшылары келіп, есеп берді. ҚР Қорғаныс министрі Руслан Жақсылықов қаңтардағы бүлікте арнайы дайындалған адамдар болғанын айтты.
Нұр-Сұлтан, NEGE. Бүліктің алғашқы күнінен-ақ бейбіт шерушілердің арасына арнайы дайындықтан өткен адамдар кіріп алып, арандату жасаған. Бұл туралы Қорғаныс министрі айтты.
«Кәдімгі аңшы аңшылық кезінде олай қозғалмайды. Аяғын айқастыра басып, бір жанымен жүреді. Әскери адам немесе арнайы дайындықтан өткен адам ешқашан аяғын айқастыра баспайды, олар еңкейе жүріп, адымын нық басады», – деді Р.Жақсылықов.