Кәріс геологтары Қазақстаннан құны 15,7 миллиард доллар болатын литий кен орнын тапты
Корея геологтары Қазақстанда құны 15,7 миллиард доллар болатын литий кен орнын тапты, деп хабарлайды Qazaqstan телеарнасы.
Алматы, NEGE. Korea Times-тың хабарлауынша, зерттеу Шығыс Қазақстан облысында жүргізілген. Геоғылымдар және минералдық ресурстар институты ғалымдары тапқан кен орнының аумағы 1,6 шаршы шақырым.
Бұрын бұл жерде тантал өндірілген екен. Ел үкіметінің тапсырысы бойынша жұмыс өткен жылдың мамыр айында басталған.
«KIGAM» келесі жылы литий өндіруді бастау үшін аймақта бұрғылау құқығына өтініш беруді жоспарлап отыр.