6 сентября 2025 г. 14:50
Конго президенті елімізге мемлекеттік сапармен келеді
Президент Қасым-Жомарт Тоқаевтың шақыруымен 9-10 қыркүйек күндері Қазақстанға Конго президенті Феликс Чисекеди мемлекеттік сапармен келеді, деп хабарлады Ақорда.
Алматы, NEGE. Оның сапары 9-10 қыркүйекке жоспарланған.
Сапар аясында жоғары деңгейдегі келіссөздер жүргізіліп, екіжақты ынтымақтастықты дамыту перспективасы талқыланады.
Феликс Чисекеди — Конго Демократиялық Республикасының президенті қызметіне 2019 жылы кірісті. Ол елдің тарихындағы бейбіт жолмен сайланған алғашқы президент ретінде белгілі. Ол Қазақстанға алғаш рет келе жатыр.
