Қонаевтағы «разборка»: Күдіктілер ұсталды
Қонаев қаласында жастар жаппай төбелес ұйымдастырмаққа оқталып, қала көшелерінің бірінде көліктерін қаңтарып қойып тұрған. Сол сәтте оларды басқа көлік келіп соғады.
Қонаев. NEGE. Алматы облыстық полиция департаментінің хабарлауынша, «адам өлтіруге оқталу» бабы бойынша күдіктілер ұсталды.
«Бұл дерек бойынша полиция қылмыстық іс қозғады, сотқа дейінгі тергеп-тексеру басталды. Оқиғаның ізін суытпай, екі күдікті ұсталып, уақытша ұстау изоляторына қамалды. Қазіргі уақытта тергеу амалдары жүргізіліп жатыр», – деп мәлімдеді полиция.
Оқиғаның видеосы кеше әлеуметтік желіде жарияланды. Видеодан байқағанымыздай, көше қиылысындағы адамдарды жеңіл көлік бар жылдамдығымен келіп соғады, бір адам бірнеше метр жерге ұшып түседі.