Қонаевта перзентханадан шыққан кортеж жүргізушілері жол ережесін бұзғаны үшін куәлігінен айырылды
Қонаев қаласының соты Алматы–Өскемен тасжолында жол қозғалысы ережелерін өрескел бұзған кортеж жүргізушілеріне қатысты шешім шығарды.
Алматы, NEGE. Естеріңізге сала кетейік, желіде бірнеше көліктің өзге жүргізушілердің жолын бөгеген сәті түсірілген видео тараған еді.
Полицейлердің анықтауынша, жол ережесін бұзушылар Қонаев қаласындағы перзентханадан Арна ауылына бара жатқан. Кортеж қатысушыларының бірі 5 тәулікке әкімшілік қамауға алынса, тағы үшеуі бір күннен қамауға алынды. Төртеуі де бір жылға жүргізуші куәлігінен айырылды.
Ал тағы екі қатысушыға айыппұл салынды.