Көкшетауда 22 жастағы жігітті неке қиған күнінде өлтіріп кетті
Көкшетау қаласындағы ойын-сауық мекемелердің бірінде үйлену тойын тойлап жатқан 22 жастағы жігіт көз жұмды.
Алматы, NEGE. Бұл жайтқа қатысты Ақмола облысының полиция департаменті пікір білдірді.
«12 қарашада Көкшетаудағы көңіл көтеру орындарының бірінде Красный Яр ауылының 22 жастағы тұрғынын өлтіріп кеткен. Бұл дерек бойынша сотқа дейінгі тергеу амалдары жүргізіліп жатыр. Күдікті бірден ұсталып, уақытша ұстау изоляторына қамауға алынды. Сонымен қатар бұл оқиғаға қатысы бар барлық адам ұсталды. Алты адамға қатысты сотқа дейінгі тергеу жүріп жатыр», - делінген хабарламада.
Аталмыш жағдай ПД басшысының тікелей бақылауында.