Қызылордада дәретханадан сәбидің денесі табылды
Қызылорда облысында жер үйдің дәретханасына сәбиін тастаған әйел ұсталды, деп хабарлайды Polisia.kz.
Алматы. NEGE. Қызылордадағы жер үйлердің бірінің ауласындағы дәретханадан жаңа туған нәрестенің мәйіті табылған. «2020 жылдың 1 желтоқсаны күні Қызылорда қаласында жер үйлердің бірінің ауласындағы дәретханадан жаңа туған нәресте мәйітінің табылу дерегі бойынша Қазақстан Республикасы Қылмыстық кодексінің 100-бабымен (Жаңа туған баланы анасының өлтiруi) сотқа дейінгі тергеп-тексеру амалдары басталды. Күдікті азаматша анықталды», – делінген мәліметте. Оқиғаның мән-жайы анықталуда. Тиісті сараптамалар тағайындалды.