Қыздар құрамасы хоккейден әлем чемпионатында жеңіске жетті
Қазақстан қыздар құрамасы хоккейден жасөспірімдер арасындағы әлем чемпионатында жеңіске жетті, деп хабарлады Мәдениет және спорт министрі.
Алматы, NEGE. Қыздар командасы Исландияны 7-0 есебімен жеңді. Чемпионат Болгарияның София қаласында өтті.
Қазақстандық хоккейшілер бес матчтың бесеуінде жеңіске жетіп, турнир қорытындысы бойынша 15 ұпаймен екінші дивизионның А тобына шықты.
Осыған дейін олар Болгария (8:1), Жаңа Зеландия (7:1), Бельгия (5:3) және Эстония (8:0) командаларын ұтты.
Мәдениет және спорт министрі хоккейден қыздар құрамасын әлем чемпионатындағы жеңісімен құттықтады.