Кирилл Герасименко үстел теннисінен Олимпиаданың ширек финалына шыға алмады
Үстел теннисінен Қазақстан командаасының үздігі Кирилл Герасименко Париж Олимпиадасының ширек финалына өте алған жоқ, деп хабарлайды Olympic.kz.
Алматы, NEGE. Олимпиаданың 1/8 айналымында Герасименко Египет өкілі Омар Ассармен кездесті.
Алғашқы екі сетте Герасименко 11:8, 11:6 есебімен қарсыласын оңай жеңді. Үшінші кезеңді египеттік теннисші өте қарқынды бастап, қара үзіп кеткен болатын.
Десе де, Герасименко есеп айырмасын қысқартты. Алайда, тап осы сетте жеңіс 12:10 есебімен қарсылас еншісінде кетті.
Содан соң, Омар Ассар тағы да белсенділік танытып, 12:10 және 11:9 есебімен жеңісті жұлып алды. Осылайша, 3:2 есебімен жалпы есете алға шықты.
Ал шешуші сетте Герасименко таразы басын теңестіре алған жоқ. Жеңіс 4:2 есебімен египеттік Ассардың еншісінде кетті.
Айта кетелік, бұған дейін Кирилл Герасименко германиялық Дан Цюді ұтқан болатын.