Ким Чен Ын 2022 жылға қорқынышты болжам жасады
Ким Чен Ын 2022 жылға қорқынышты болжам жасады. Ол биыл «өліспей беріспейтін жыл» деді.
Алматы, NEGE. Коммунистік елдің көсемі «2022 жеңісті жылға айналады» деп масаттанды. Алайда ол әлемді үнемі алаңдатып келе жатқан ядролық қару мен зымыран жасау бағдарламасы және басты қарсыласы – Оңтүстік Корея және АҚШ-пен арадағы қарым-қатынасы туралы тіс жармады. Ким Чен Ын биыл экономикалық даму мен азаматтардың әл-ауқатын жақсартуға барын салатынын жеткізді. Ауылдық жерді өркендетуге, халықты тамақтандыру мен антисоциалистік ұғымдарға қарсы тұруға басымдық беріледі.