«Танымал қазақстандық грант алушылардың көлеңкелі әрекеттері де белгілі болды» – Президент USAID қызметіне қатысты пікір білдірді
Мемлекет басшысы Қасым-Жомарт Тоқаевт Қазақстан халқы Ассамблеясының кезекті ХХХІV сессиясында сөйлеген сөзінде Қазақстандағы USAID қызметіне қатысты пікір білдірді.
Астана, NEGE. «Жақында шетелдік үкіметтік емес ұйымдардың әрекеттері әшкереленді. Сонда олардың арам ниеті, ашкөздігі мен Қазақстанға жаны ашымайтыны анық көрінді. Сондай-ақ кейбір танымал қазақстандық грант алушылардың көлеңкелі әрекеттері де белгілі болды.
Қазақстанда проблема жоқ демейміз. Әрине, басқа елдердегідей бізде де түйткілдер бар. Бірақ біз оны әлдекімдердің әдістемесімен емес, өзіміздің ұлттық мүддеміз бен заңнама аясында шешеміз. Осындай қисынды әрекеттерімізді халқымыздың басым көпшілігі мен ниеті адал халықаралық серіктестеріміз дұрыс түсінетініне сенімдімін. Идеологиялық өшпенділік – біздің дүниетанымымызға мүлде жат. Дәстүріміз бен құндылықтарымыз, болмысымыз бен өмір салтымыз ұлтымызды біртұтас тарихи-мәдени және саяси қауым ретінде біріктіріп, тұтастығын бекемдейді», - деді президент сөйлеген сөзінде.