ҚазТАГ агенттігінің бас редакторы үйқамаққа алынды

Астана, NEGE. Адвокат Дәулет Жұмағұловтың айтуынша, тергеу соты оны қамауда ұстау туралы тергеу органының өтінішін қанағаттандырмады. 

«Тергеу аяқталғанға дейін ол үйқамақта болады. Жұмыс жалғасып жатыр», – деді адвокат.

Еске салайық, Әмір Қасенов 23 желтоқсан күні кешке Астана қаласындағы Есіл аудандық полиция бөліміне тергеуге шақырылып, артынша оның ұсталғаны туралы хабарланған.

Бұған дейін Әмір Қасенов пен Әсет Матаев Freedom Finance компаниясының арызы бойынша күдікті деп танылғаны белгілі болды. Полицияның мәліметінше, арызда компанияның іскерлік беделіне нұқсан келтірілгені және бірнеше рет көрінеу жалған ақпарат таратылғаны көрсетілген.