Казино күзетшісі тексерушілерге қарсылық көрсетіп, оқ атты
Қапшағайда казиноның күзетшісі атыс шығарды
, деп хабарлайды zakon.kz.
Алматы, NEGE. Облыстық полицияның хабарлауынша, оқиға 18 сәуірде сағат 23:00 шамасында болған.
«Күзетші монитрингтік топтың жұмысына қарсылық танытты. Ол өз қаруымен аспанға бір рет оқ атқан. Зардап шеккендер жоқ. Ер адам сол жерде ұсталды, қару тәркіленіп, қылмыстық іс материалдарына тіркелді», - деп атап өтті полициядағылар.
Бұл фактіге сәйкес, ҚР Қылмыстық кодексінің 380-бабы, 3 бөлімі бойынша сотқа дейінгі тергеу басталды.
«Күдікті Қапшағай ПБ-ның уақытша ұстау изольяторына тоғытылды», - дейді полициядағылар.