Қазақтың қанаты жоқ ұшағы Ресейде не істеп тұр?
Толмачево әуежайында қанаты жұлынған Boeing 757-200 ұшағы қаңтарылып тұр. Ол Қазақстан үкіметіне тиесілі лайнер деген ақпарат тараған. Б
ұған қатысты Қорғаныс министрлігі ақпарат берді.
Алматы, NEGE. "Кейбір бұқаралық ақпарат құралында "Толмачево" әуежайында (Новосибирск қ.) қанаты жыртылған қазақстандық ұшақтың болуы туралы хабарлама пайда болды. Индустрия және инфрақұрылымдық даму министрлігіне сілтеме жасай отырып, бұл ұшақ Қазақстан Республикасы Қорғаныс министрлігінің балансында тұр. Осы ақпарат бойынша Қорғаныс министрлігі мынаны хабарлайды. Қазақстанның Әскери-әуе күштерінің ұшағы (әуе басқару пункті) Ресей Федерациясының Новосибирск қаласында "S-7 ИНЖИНИРИНГ ҚБ" жоспарлы техникалық қызмет көрсетіліп жатқандықтан тұр. Жөндеу жұмыстары кезінде фюзеляждың жекелеген бөліктерін және басқа да тораптар мен агрегаттарды уақытша бөлшектеу талап етілуі мүмкін. Бұл жерде сенсациялық ештеңе жоқ, жұмыстар жоспарланған режимде жүзеге асырылады", - делінген ведомство хабарламасында.
Қорғаныс министрлігі БАҚ өкілдерін ресми дереккөздермен расталған тексерілген ақпаратты пайдалануға және сенсацияға ұмтылмауға шақырды.