«Қазақтелекомның» TV+ платформасындағы «QARGA» телехикаясы көрерменнің оң бағасын алды
Кек, сыбайлас жемқорлық, жетімдер. «Қазақтелекомның» мультиплатформалық TV + сервисінде жаңа туындының тұсауы кесілді. Платформа репертуары экшн мен шытырман оқиғаға толы «QARGA» атты тағы бір қызықты драмамен толықты. Жоба ең ірі телеком-оператор мен Salem Social Media арасындағы ынтымақтастықтың жемісі.
Балалар үйінің директоры 13 жастағы тәрбиеленуші Қанатқа адам өлтірді деген жалған жала жауып, жеткіншек түрмеге қамалады. Біраз жылдан соң түрмеден босап шыққан бозбаланың көксеген ойы жалғыз – қалай да кек алу.
Балалар үйі директорын заңсыз жинаған байлығынан айырып, одан кейін балта шабылған тағдыры үшін өлтіру мақсатында бала күнгі достары – өзі сияқты жетімдердің басын қосып, жоспар құра бастайды.
«Меніңше, киносүйер қауым мен осы жанрдың табынушылары «QARGA» туындысының сюжеті мен драматургиясына жоғары баға береді. Сонымен қатар, сериал қазіргі қоғамның өзекті мәселелерін, соның ішінде әлеуметтік теңсіздік, бай мен кедей болып бөліну, билік пен байлықты уысында ұстаған ауқатты азаматтар мен қарапайым халық арасындағы қарама-қайшылықты ашық көрсете білген деп ойлаймын. Фильм кейіпкерлері бұл әділетсіздіктің бәрін өзгертуге тырысады, діттеген мақсатына жете ме, жоқ па, оны біздің қызметті пайдаланушылар телехикаяның барлық сериясын көріп, біле алады. Бүгінде TV+ қосымшасына 12 серияның бесеуі жүктелген», - дейді «Қазақтелеком» АҚ бөлшек бизнес дивизионының өнімдерді дамыту және енгізу департаментінің директоры Дакиш Жағыпаров.
Айта кетерлік жәйт, «QARGA» сериалы толығымен қазақ тілінде түсірілген, әдетте бұл қылмыстық драма секілді жанрға тән емес. Басты рөлдегі актерлерге рөл үшін сырт келбетін түбегейлі өзгертуге тура келді: Шәріп шашын тақырлап алып тастаса, Абылай бір көзін зағип етіп көрсету үшін көзіне линза салып, шашын сарыға бояған.
Бұған дейін бірнеше тележоба түсірген режиссер Бейбіт Өнер үшін «QARGA» туындысы Salem social media-мен бірлескен алғашқы жұмыс болды.
«Salem контенті Қазақстандағы көрермендер үшін өте танымал бренд, әрі оның өнімдерін өз кинотеатрымызда көрсетуіміз керек деп түйдік. Сондықтан, «QARGA» туындысының басталуына орай, қолданушыларға ыңғайлы болу үшін Salem жобаларын жеке брендтелген кинотеатрға бөліп, қосымшамызды жаңарттық, енді «Қазақтелеком» және Salem Social Media бірлескен барлық жоба сол жерге жүктеледі. Сондай - ақ, бұл бөлімге отандастарымызға таныс сериалдар қосылады, қазірдің өзінде «Ойыншы», «5:32» және «Сержан братан» телехикаяларын TV+ платформасынан көре аласыз», - деп атап өтті «Қазақтелеком» АҚ бөлшек бизнес дивизионының Бас директоры Игорь Погребицкий.
TV + платформасына жарияланғаннан бері 4 күн ішінде сериалды 18 мыңға жуық көрермен немесе сервисті пайдаланушылардың 15% тамашалаған. Жалпы, «QARGA» телехикаясын көру үшін сервиске арнайы 6 мың көрермен қосылған. Осылайша, іске қосылған Salem social Media кинотеатры қаралым бойынша бірінші орынға шықты.
AppStore және Google Play Store интернет-дүкендерінде TV+ қосымшасы тегін қолданбалар арасында тағы да бірінші орынға шықты. Келесі 3 серия TV+ қосымшасында 28 қыркүйекте шығады, содан кейін апта сайын 1 сериядан жарияланып отырады.
Жобаның ақтық сериясы 19 қазанда сервисте көрсетіледі, ал қазан айының ортасына қарай Salem Social Media «Қазақтелекоммен» бірлесіп көрерменге келесі жаңалық – «Шеше» сериалын дайындап жатыр.
