Қазақстандықтардың жеке деректерін таратып келген Telegram-бот анықталды
Қазақстандықтардың жеке деректерін таратып келген 8 Telegram-бот бұғатталды, деп хабарлады Цифрлық даму, инновациялар және аэроғарыш өнеркәсібі министрлігінің баспасөз қызметі.
Алматы, NEGE. Сондай-ақ, жеке деректердің таралуына қауіп төндірген Telegram-бот жойылды.
Министрлік азаматтарды мұндай боттарды пайдаланбауға және өз деректерін жалпыға қолжетімді дереккөздерде қалдырмауға шақырды.
«Telegram-боттарды пайдалану деректердің таралуына және аккаунтты басқара алмауға әкеліп соғуы мүмкін. Егер, сіз осындай боттарды анықтасаңыз, бұл туралы министрлікке хабарлаңыз», – делінген министрліктің хабарламасында.