Қазақстандық Сергей Морозов төрешілер шешімімен қарсыласынан басым түсті
Қазақстандық файтер Сергей Морозов (17-5) Лас-Вегаста (АҚШ) кезекті жекпе-жегін өткізді, деп хабарлайды ҚазАқпарат.
Алматы, NEGE. UFC Vegas 57 турнирі аясында өткен жекпе-жекте, Сергей Морозов бразилиялық Раулиан Пайвамен (21-4) үш раунд бойы айқасып, қортындысында төрешілер шешімімен жеңіске жетті.
Айта кетейік, бұл Морозовтың UFC турниріндегі төртінші жеке-жегі. Қазақстандық файтер Умар Нурмагомедов және Даглас Сильва де Андрадеден жеңіліп, Халид Таханы жеңген болатын.
Ал бразилиялық спортшының бұл UFC-дегі жетінші жекпе-жегі. Ол бұған дейін тағы бір қазақстандық спортшы Жалғас Жұмағұловты (14-7) жеңген еді. Сонымен қатар UFC тарихында алғаш рет бір турнирде бірден екі қазақстандық өнер көрсетті.