Қазақстандық хоккейшілер жастар арасындағы әлем чемпионатының алдында Германиядан жеңіліп қалды
Қазақстан құрамасы шайбалы хоккейден Канадада өтетін жастар арасындағы әлем чемпионатының алдында жолдастық матч өткізді.
Алматы, NEGE. Отандастарымыз алдағы әлем чемпионатына қатысатын Германиямен кездесті.
Нәтижесінде Қазақстан құрамасы 4:0 есебімен есе жіберді.
Еске сала кетейік, әлем чемпионаты 26 желтоқсан мен 5 қаңтар аралығында Канаданың Оттава қаласында өтеді.
Қазақстан құрамасы B тобында ойнайды, бұл топқа Швеция, Чехия, Швейцария және Словакия командалары да кіреді.