Қазақстандық балуан Шұғыла Өмірбек жастар арасында әлем чемпионы атанды
Әйелдер күресінен Қазақстан құрамасының өкілі Шұғыла Өмірбек Сербияның Нови-Сад қаласында өтіп жатқан әлем чемпионатының алтын жүлдегері атанды.
Алматы, NEGE. Отандасымыз 55 келіге дейінгі салмақта қарсылас шақ келтірмеді.
Шұғыла финалда Түркия елінің өкілі Туба Демирмен алтын жүлдені сарапқа салды. Нәтижесінде қазақстандық балуан 12:8 есебімен басым түсті.