Қазақстандық балуан Ибрагим Магомадов грек-рим күресінен Азия чемпионатында қола жүлдегер атанды
Қазақстандық балуан Ибрагим Магомадов грек-рим күресінен Амманда (Иордания) өтіп жатқан Азия чемпионатында Қазақстан құрамасының қоржынына алғашқы медальді салды.
Алматы, NEGE. Ибрагим Магомадов 77 келіге дейінгі салмақта сәтті өнер көрсетті.
Қола медаль үшін өткен белдесуде қазақстандық балуан иорданиялық Амро Садеден басым түсті.
Айта кетейік, бұған дейін Ербол Қамалиев (55 келі) өзбекстандық Ихтиёр Ботировқа жол берсе, Сұлтан Әсетұлы (63 келі) солтүстіккореялық Чан Кимге есе жіберген болатын.