Қазақстандағы алғашқы АЭС атауына конкурс басталды
Сауалнама eGov Mobile мобильді қосымшасында жүргізіледі.
Алматы, NEGE. Басты парақшада «АЭС-ке атау ұсыныңыз» баннері орналастырылған, ал пайдаланушыларға конкурстың басталғаны туралы push-хабарлама жіберіледі.
Бастаманың мақсаты – болашақ станцияға тарихи, мәдени және ұлттық маңызын айқын көрсететін атау таңдау.
Қатысу үшін:
• тілді таңдау (қазақ немесе орыс);
• өз нұсқасын ұсыну;
• атаудың мағынасын қысқаша сипаттау (міндетті емес);
• конкурстың ресми қағидаларымен танысқанын растау.
Ұсыныстар 25 қыркүйектен 10 қазанға дейін қабылданады.