Қазақстанда некені тіркеу электронды форматқа өтеді
Цифрлық даму, инновациялар және аэроғарыш өнеркәсібі министрі Бағдат Мусин енді некеге тұру құжаттары электронды форматқа көшіруге болатынын айтты.
Алматы, NEGE. "Заң жобасы мемлекеттiк тiркеу туралы анықтамаларды туу, неке қию және бұзу туралы куәлiктер және т.б құжаттарды электрондық форматқа көшiрудi көздейдi. Бұл азаматтар үшін ыңғайлы болады. Нәтижесінде құжат алуда қарбалас жойылып, адамдар кез келген уақытта QR коды бар электронды нұсқасын басып шығара алады немесе ұсына алады", - деді ол.
Мусин отырыста "Қазақстан Республикасының кейбір заңнамалық актілеріне инновацияларды ілгерілету, цифрландыруды дамыту және ақпараттық қауіпсіздікті қамтамасыз ету мәселелері бойынша өзгерістер мен толықтырулар енгізу туралы" заң жобасын таныстырды.
Оның айтуынша құжат жоғалған кезде оның түпнұсқасын алуға өтініш беру қажеттілігі жойылады.
"Азаматтың өтініші бойынша немесе елден кеткен жағдайда құжатты қағаз жүзінде алуға болады", - деп қосты Мусин.