Қазақстанда мұғалімдердің кәсіби мерекесінің датасы өзгереді
Оқу-ағарту министрлігі Ашық НҚА порталында Қазақстандағы мерекелік күндердің тізбесіне өзгерістер енгізу жөніндегі Үкімет қаулысының жобасын жариялады.
Алматы, NEGE. Енді Қазақстанда мұғалімер күнін қазанның бірінші жексенбісінен нақты 5 қазанға ауыстыру жоспарланып отыр. Қолданыстағы ҚР мерекелік күндердің тізбесінде "Мұғалімдер күні" кәсіби мерекесі қазан айының бірінші жексенбісіне белгіленген.
Мұғалімдердің кәсіби мерекесі нақты 5 қазанға белгіленеді.
Министрліктің түсіндіруінше, бұл өзгерту президент Қасым-Жомарт Тоқаевтың 2022 жылғы 30 желтоқсандағы тапсырмасын орындау мақсатында енгізілмек.