Қазақстанда такси қызметі 17%-ға қымбаттады
2025 жылдың қаңтар–желтоқсан айларында Қазақстанда такси қызметін 174,5 млн жолаушы пайдаланған, деп хабарлайды Energyprom.kz.
Алматы, NEGE. Бұл – 2024 жылмен салыстырғанда 2,4 есе, ал 2023 жылмен салыстырғанда 3,5 есе көп. Яғни таксиге сұраныс тұрақты түрде өсіп келеді.
2026 жылдың қаңтар айының өзінде 22,9 млн адам таксимен жүрген. Бұл өткен жылдың қаңтарымен салыстырғанда 2,1 есе артық. Демек, өсім биыл да жалғасып отыр.
Аймақтар бойынша ең көп жолаушы Алматы мен Астана қалаларында тіркелген. Екі қалада бір жыл ішінде 60,7 млн адам тасымалданған. Оның ішінде Алматы – 33,2 млн адаммен бірінші орында, ал Астана – 27,6 млн адаммен екінші орында.
Келесі орындарда Алматы облысы (13,7 млн), Маңғыстау облысы (12,1 млн) және Шымкент (10,4 млн) тұр.
Ал ең аз көрсеткіш Ұлытау облысында – 1,4 млн адам. Сондай-ақ Солтүстік Қазақстан облысы (2,7 млн) мен Шығыс Қазақстан облысы (3,5 млн) облыстарында да жолаушылар саны төмен.
2025 жылдың қаңтар–желтоқсан айларында Қазақстандағы такси компанияларының жалпы табысы 186,1 млрд теңге болды. Түскен кірістің шамамен жартысына жуығы – 46,6%-ы – екі қалаға тиесілі. Атап айтқанда, Алматы – 47,4 млрд теңге, Астана – 39,4 млрд теңге табыс тапқан. Сондай-ақ Алматы облысы (16,7 млрд теңге) мен Қарағанды облысы (9,4 млрд теңге) да жоғары көрсеткіш көрсетті.
2025 жылдың қорытындысы бойынша елдегі бір такси сапарының орташа құны 1,1 мың теңге болды. Ең жоғары орташа баға Алматы мен Астанада тіркелді – әр қалада шамамен 1,4 мың теңге. Ал ең қымбат жол жүру Қарағанды облысы-нда – орташа есеппен 1,5 мың теңге. Ең арзан өңір – Қызылорда облысы, мұнда бір сапардың орташа құны 540 теңге.
2025 жылдың желтоқсан айының қорытындысы бойынша такси қызметінің бағасы бір айда 1,8%-ға өсті. Жыл бойы баға ай сайын қымбаттап отырған. Тек тамыз айында ғана 0,3%-ға төмендеу тіркелді. Ең үлкен өсім маусымда байқалды – бір айда бірден 4,7%-ға артқан.
Жалпы алғанда, бір жыл ішінде такси қызметі 17%-ға қымбаттады. Ал 2024 жылы өсім 8,4% болған еді. Аймақтар арасында ең жоғары қымбаттау Түркістан облысы-нда тіркелді – 42,9%. Одан кейін Ақмола облысы (37,7%) және Жетісу облысы (21,2%) келеді.
Баға өзгермеген жалғыз өңір – Павлодар облысы. Ал ең төмен өсім Ақтөбе облысы (2,7%), Батыс Қазақстан облысы (3,3%) және Солтүстік Қазақстан облысында (3,4%) байқалды.
