Қазақстанда мемлекеттік наградаларға ұсыну ережелері өзгерді
Енді наградтау қағазын ресімдеу кезінде міндетті түрде еңбек жолы, ел мен халық алдындағы нақты еңбектері, сондай-ақ қылмыстық құқықбұзушылықтар туралы мәліметтері көрсетіледі.
Алматы, NEGE. Жекелеген жағдайларда ішкі істер органдарынан мінездеме талап етіледі. Бұл туралы Мәдениет және ақпарат министрлігінің баспасөз қызметі хабарлады.
Сондай-ақ көпбалалы аналарды наградтауға қойылатын талаптар ретке келтірілді.
«Көпбалалы ана Қазақстан Республикасының азаматы болса ғана наградталады. Наградтау қағазын ресімдеу кезінде көпбалалы ананың балалары өзге мемлекет азаматы болса, паспорттарының куәландырылған көшірмелері және фотосуреттері қоса берілуі керек», - делінген министрлік хабарламасында.