Қазақстанда екі айда 174 адам өз-өзіне қол жұмсап көз жұмған
Қазақстанда 2025 жылдың қаңтар-ақпан айларында 21 121 адам қайтыс болған, деп хабарлайды Ұлттық статистика бюросы.
Алматы, NEGE. Есепке сәйкес, 13 273 адам қалада, ал 7 848 адам ауылдық жерлерде көз жұмған. Яғни, өлім-жітім қалалықтар арасында жоғары болып отыр.
Өлім-жітімнің негізгі себептері:
- Қан айналымы жүйесі аурулары – 5 260 адам
- Жүйке жүйесі аурулары – 3 563 адам
- Тыныс алу мүшелерінің аурулары – 2 263 адам
- Жаңа түзілімдер (ісік, қатерлі ісік және т.б.) – 2 237 адам
- Жүрек аурулары – 1 838 адам
- Ми қан тамырларының зақымдануы – 1 701 адам
- Ас қорыту жүйесі аурулары – 1 648 адам
- Жазатайым оқиғалар, уланулар мен жарақаттар – 1 335 адам
- Қант диабеті – 818 адам
- Тұмау және өкпе қабынуы (пневмония) – 665 адам
- Инфекциялық және паразиттік аурулар – 160 адам
- Гипертония (жоғары қан қысымы)– 118 адам
- Ішек инфекцияларынан – 4 адам
Басқа да тіркелген өлім себептері:
- Жол апатынан – 224 адам
- Суға батып қаза тапқандар – 13 адам
- Өз-өзіне қол жұмсағандар – 174 адам
- Қасақана кісі өлтіруден қайтыс болғандар – 67 адам
- Алкогольден уланғандар – 54 адам
Мамандардың айтуынша, қоғамдық денсаулықты сақтау және аурулардың алдын алубойынша шараларды күшейту қажет. Әсіресе жүрек-қан тамырлары, тыныс алу және жүйке жүйесі ауруларыбойынша алдын алу мен ерте диагностика маңызды болып отыр.