Қазақстан мен Ресейдің құтқарушылары өрт сөндіруден сайысқа түсті
Қазақстан мен Ресейдің
құтқарушылары трансшекаралық өрттерді сөндіру бойынша ауқымды оқу-жаттығу өткізді, деп хабарлады Төтенше жағдайлар министрлігінің ресми сайты.
Алматы, NEGE. Екі елдің құтқарушылары орман алқабына шартты түрде тараған отты сөндiру, ауыл тұрғындарын эвакуациялау мен зардап шеккендерге алғашқы медициналық көмек көрсету жағынан өз дайындықтарын пысықтады.
Бірлескен оқу-жаттығуға Атырау облысы төтенше жағдайлар департаментінің жеке құрамынан және Ресей Федерациясы төтенше жағдайлар министрлігінің Астрахан облысы бойынша бас басқармасынан барлығы 170 адам мен 25 бірлік техника қатысты. Барлық міндет жедел және үйлесімді орындалды.
Өрт сөндірушілер қорғаныс құралдарын шешпей, футбол да ойнап көрді. Жарыста қазақстандық команда бірінші орынға ие болды.