Қазақстан Арменияға әскери бітімгерлерін жібермейді
Әлемдік және дәстүрлі діндер көшбасшыларының съезі аясында ҚР Сыртқы істер министрі, премьер-министрдің орынбасары Мұхтар Тілеуберді Арменияға байланысты Қазақстанның ұстанымына қатысты пікір білдірді.
Алматы, NEGE. "Қазақстан Арменияға бітімгер күштерін жібере ме?" деген сұраққа Тілеуберді мұндай сұрақ туындамағанын айтып, жауап берді.
- Жоқ, әзірше мұндай сұрақ жоқ. Кеше ҰҚШҰ-ның кезектен тыс ұжымдық қауіпсіздік кеңесінде Армения премьер-министрі ҰҚШҰ-ға мүше мемлекеттердің басшыларын Әзірбайжан мен Армения шекарасындағы жағдай туралы хабардар етті. Жалпы алғанда, ақпарат қабылданды, және әрине, объективті ақпарат алғымыз келді, өйткені екі жақтан әртүрлі ақпарат келеді. Сондықтан мемлекет басшылары ҰҚШҰ-ның Бас хатшысы оқиға орнына барып, толық көзқарас алып, содан кейін мемлекет басшыларына хабарлайды деп шешті, - деді Мұхтар Тілеуберді.
Сыртқы істер министрлігінің басшысы қазіргі уақытта Армения-Әзербайжан шекарасын делимитациялау және демаркациялау жөніндегі бірлескен комиссияның жұмысын қалпына келтіру бірінші кезектегі міндет екенін қосты.
- Жалпы біз Әзірбайжан мен Армения арасындағы шекараның делимитацияланбаған, демаркацияланбағандығынан шығуымыз керек, сондықтан шекараның қандай да бір бұзылуы туралы айту қиын. Сондықтан қазір бірінші міндет – Армения-Әзірбайжан шекарасын делимитациялау және демаркациялау жөніндегі бірлескен комиссияның жұмысын қайта бастау. Қазақстан өз тәжірибесін бөлісуге дайын. Біз шекарамызды құрлықтың, тіпті теңіз шекарасының бүкіл периметрі бойынша демаркациялағандықтан, Ресейден басқа барлық мемлекеттермен демаркация аяқталуға жақын. Демаркация Ресеймен 2-3 жылға созылатын шығар, - деді министр.
Бұған дейін Ереван Бакуді шекарадағы қалаларды атқылады деп айыптаса, Әзірбайжан Арменияны диверсия мен арандатушылық жасады деп айыптады.
