Үкімет коммуналдық тарифтердің көтерілуінен бас тартпайды
Премьер-министр Олжас Бектенов Үкіметте өткен баспасөз мәслихатында коммуналдық қызметтер тарифтерінің өсуі тоқтамайтынын мәлімдеді.
Астана, NEGE. «Бұл – ауыр мәселе. Бірақ үкімет бұл туралы ашық айтып отыр және тарифтерді нарықтық деңгейге жеткізу саясатын жүргізіп келеді. Тарифтер ұзақ уақыт бойы реттеліп, тұрғын үй-коммуналдық шаруашылығына (ТКШ) инвестиция салуға мүлде мүмкіндік бермеген жағдай 2022 және 2023 жылдары Екібастұз бен Риддерде болған апаттарға алып келді», – деп еске салды Премьер-министр.
«Қыста үйімізде жылу, электр, су және басқа да инженерлік желілер жақсы жұмыс істеуі тарифтерді көтеру жолымен жүру керек», – деді Бектенов.
Сонымен қатар ол Үкімет тарифтердің өсу қадамын инфляцияға қысымды азайту үшін қайта қарағанын атап өтті. Дегенмен, тарифтік саясатты өзгерту бағыты сол күйінде қала бермек.