Қазақстан екінші АЭС салатын консорциум тізгінін Қытайға бермек
Атом энергетикасы жөніндегі агенттік төрағасы Алмасадам Сәтқалиев Қазақстандағы тағы бір АЭС-ті қытайлық вендер салатынын мәлім етті.
Алматы, NEGE. – Тағы да бәсекелі диалог болатыны түсінікті. Бұл да әдістеме бойынша өтеді. Дегенмен базалық қондырғыларды ескерсек, бұған дейін өткізген сапарларды ескерсек, біз АЭС салудағы көшбасшыларға басымдық береміз, – деді ол.
Алмасадам Сәтқалиев бұл жерде көшбасшылар деп Ресей мен Қытайды атап отыр.
– Қытай Халық Республикасымен атом саласында жеке бас келісімге қол қою жоспарланып отыр. Біз сөзсіз Қазақстанда қытай технологиясын көргіміз келеді. Бәлкім тағы бір атом электр стансасын салуға пайдаланармыз. Біз Қытай тәжірибесін қабылдауға мүдделіміз. Олардың құрылысты жылдам әрі сапалы іске асыратын мүмкіндіктерін түсініп отырмыз және бұл бағытта жұмысты бастап кеттік, – деді агенттік басшысы.