Қазақстан бойынша 2024 жылға арналған ораза кестесі жарияланды
Биыл Рамазан айы 11 наурызда басталып, 9 сәуірде аяқталады.
Алматы, NEGE. Қазақстан мұсылмандары діни басқармасының Шариғат және пәтуа бөлімі Түркия, Әзірбайжан, Өзбекстан, Қырғызстан елдердің Ғұламалар кеңесімен, пәтуа саласына жауапты ғалымдармен ақылдаса келе, биылғы Рамазан айының басталатын күнін бекітті.
Ораза айт 10 сәуірге түсіп тұр. Сәуір айының 5-інен 6-сына қараған түн – қасиетті Қадір түні.
Ораза кестесін қала, ауыл, ауданыңызға байланысты muftyat.kz сайтынан білуге болады.